Последна промена пред 7 часа | Петок 25 Април 2014 | 2 0

„Патриотски“ елементи во „комунистичко“ Скопје

  • Објавено: 12.07.2013 15:52
  • Прочитано: 6192
  • Печати

Малкумина знаат дека секој од „комунстичките“ објекти од 70-тите години во Скопје е директно инспириран од македонската традиција. Речиси секој од познатите бетонски „чудовишта“ на Скопје во себе има интерпретација на народна носија, византиска црква или на староградската чаршиска архитектура. За разлика од денешните барокни мотиви кои ѝ припаѓаат на Европа од 17 век, „комунистичките“ архитекти ја претпочитале исклучиво „народната уметност“.

 

Скопската Пошта

Ако влезете внатре во Поштата ве пречекува византиска купола слична, на пример, како таа на  Аја Софија. Во фасадата Јанко Константинов употребил византиски лаци и лачни прозорци, а целиот комплекс е решен како манастирски конак со внатрешен двор. Константинов и самиот е фрескописец и на внатрешните ѕидови во овој објект решил да постави мурали на кои се нацртани најзначајните цркви од Македонија. Подоцна, јанко Константинов го проектирал Александар Палас со слични лачни мотиви.

 

Владата на РМ

Ако некогаш сте се запрашале што се иксовите на фасадата на Владата, тогаш знајте дека тоа е „баклавата“ од нашите народни носии кои се јавуваат во многу објекти на Петар Муличковски. Самиот повеќекулисен концепт на Владата претставува отсликување на старочаршиско маало.

 

МАНУ

Ова здание е едно од најуспешните постмодерни интерпретации на македонската традиционална куќа. МАНУ е куќа на уметноста и науката.

 

 

Македониумот во Крушево

Крушевскиот Македониум всушност е скулптурален приказ на македонското античко сонце со исечени краци. Исечените краци се паднатите борци за крушево. Неговата белина е крушевската куќа.

 

Костурницата во Кавадарци

Овој споменик на паднати борци е бетонска охридска куќа со три еркерни испуштања. Во нејзе може да се влезе, а на нејзините ѕидови се исцртани народни македонски „баклави“.

 

Универзитетска библиотека

„Комунистичките“ архитекти толку многу ја претпочитале, што народната „баклава“ ја има и во фасадата на бројни други објекти. Таа е лајт-мотив на 70-тите. Ја има во Универзитетската библиотека во Скопје. Ја има во терасите на Домот на АРМ. Баклави навистина има многу.

 

ГТЦ

Овој објект бил замислен како затворен „безистен“, односно трговски центар во Османлиската империја. ГТЦ е затворена „чаршија“ и ги продолжува традициите од средновековно Скопје. Чаршијата е отворен граѓански простор кајшто може слободно да се размислува. Во своето белило ГТЦ е бела охридска куќа, а во своите базиликални коридори Поповски го следи нашиот црковен градител Андреа Дамјанов.

Соборен Храм

Оваа авангардна бетонска црква е модерна интерпретација на петтокуполен систем од Аја Софија, дело на архитектот Славко Брезовски. Таа е нео-византиска и има доста футуристичка камбанарија. Инаку, футуризмот и православието и не се толку далечни, ако знаеме дека сите руски конструктивисти и футуристи беа православни: Маљевич, Мелников, Лисицки...

Костадин Героски

 



Не е дозволено преземање на оваа содржина или на делови од неа без дозвола од редакцијата на Плусинфо

Објавено: 30.08.2013 10:16

nikola:

Ja ispustivte stokovna most, odlicen primer za kombinacija na avtenticna arhitektura od carsijata i modernoto!

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>

/style/images/intervju-title.jpg

Гласајте без страв за да ја прекинеме оваа агонија

http://images.plusinfo.mk/kolumnisti/Stevo Pendarovski.jpg Објавено: пред пред 17 часа
Прочитано: 941

Стево Пендаровски