Последна промена пред 2 минути | Среда 16 Април 2014 | 44 2

ВИДЕА: Сити украден од судиите, Озил го спаси Реал

  • Објавено: 07.11.2012 00:10
  • Прочитано: 1258
  • Печати

Двата дуели во групата Д од Лигата на шампионите, Манчестер сити – Ајакс и Реал Мадрид – Борусија Дортмунд завршија со идентичен резултат 2-2, со тоа што на „граѓаните“ победата им беше украдена од судиите, кои во финишот поништија чист гол на Агуеро и не досудија пенал над Балотели. Во Мадрид, Озил во последната минута ги спаси „кралевите“ од пораз против гостите од Амстердам, со што дополнително се усложни ситуацијата во „групата на смртта“.
Сити на „Етихад“ претрпе студен туш откако Ајакс со двата гола на Де Јонг (10’ и 17’) поведе со 2-0. Сепак, четата на Роберто Манчини преку Јаја Туре (22’) и Агуеро (74’) успеа да израмни, а во финишот фортуната и судиите и го свртеа грбот за реализирање на пресвртот. Борусија двапати поведуваше на „Сантијаго Бернабеу“ преку Ројс (28’) и Геце (45’), но избраниците на Мурињо го израмнуваа резултатот преку Пепе (34’) и Озил (89’).
Борусија Д. и Реал на две кола до крајот на групната фаза се на чекор до пласман во нокаут фазата со 8, односно 7 бода, Ајакс има 4, додека на Сити му е потребно чудо за да ја преживее групата и да продолжи понатаму, бидејќи има само два бода.
Фудбалерите на Порто и на Малага станаа првите кои обезбедија пласман во 1/8-финалето, додека ПСЖ направи огромен чекор до место меѓу најдобрите 16, декласирајќи го Динамо Загреб со 4-0. Порто ремизираше без голови на гостувањето против Динамо Киев, додека Малага исто така одигра нерешено, но со резултат 1-1 нагости на „Сан Сиро“ против Милан.
Во групата Б битката е отворена за првите две места, откако Арсенал прокоцка водство од 0-2 во Гелзенкирхен против Шалке па на крајот мораше да се задоволи со реми (2-2), додека во групата Ц Милан Андерлехт и Зенит се со реални шанси за второто место.
Резултати и табели
Група А:
Динамо Киев – Порто 0-0, ПСЖ – Динамо Киев 4-0.
Табела: Порто 10, ПСЖ 9, Динамо Киев 4, Динамо Загреб 0.
Група Б: Шалке – Арсенал 2-2, Олимпијакос – Монпелје 3-1.
Табела: Шалке 8, Арсенал 7, Олимпијакос 6, Монпелје 1.
Група Ц: Андерлехт – Зенит 1-0, Милан – Малага 1-1.
Табела: Малага 10, Милан 5, Андерлехт 4, Зенит 3.
Група Д: Манчестер сити – Ајакс 2-2, Реал Мадрид – Борусија Д. 2-2.
Табела: Борусија Д. 8, Реал Мадрид 7, Ајакс 4, Манчестер сити 2.

 

/style/images/posledni.jpg

Последни коментари (вкупно: 0)

Прочитај ги сите коментари:

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>