• 08 декември 2016
  • Вести денес: 84
Плусинфо18:22 27 јануари 2016 ● Прочитано 1801

Машката ракометна репрезентација на Македонија со пораз го заврши својот настап на ЕП во Полска.

На последниот меч на првенството одигран попладнево во Катовице, црвено-жолтите попладнево во бледо издание се поразени од Белорусија со 29:30.

Во првиот дел резултатски дуелот беше израмнет, а Белорусите на пауза заминаа со гол предност 14:13. Во второто полувреме, македонските ракометари беа далеку од играта која ја посакуваа, па противникот имаше и шест голови предност. Иако на четири минути пред крајот црвено-жолтите стигнаа до израмнување, сепак до крајот на мечот противникот беше оној кој покажа повеќе желба за победата, па на крајот и заслужено Белорусите ја оствари. Најефикасен во нашата репрезентација беше капитенот Кирил Лазаров со 10 голови, додека Дејан Манасков постигна 4.

Македонија шампионатот го заврши без победа, со четири пораз и два нерешени резултати.

Во оваа група, остануваат да се одиграат уште две средби по кои ќе бидат познати и полуфиналистите. Во терминот од 18 часот и 15 минути во директен дуел за место во полуфиналето ќе се борат Франција и Норвешка.

Вечерва од 20 часот и 30 минути ќе се игра и средбата меѓу Полска и Хрватска во која домаќините улогата на фаворит треба да ја потврдат со победа, а со тоа и пласман меѓу четирите најдобри на шампионатот.

Табела: Норвешка 7 бодови, Франција 6, Полска 6, Хрватска 4, Белорусија 2 и Македонија 1.

 

фото: 24 Вести

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




ОСТАНАТО ВО РУБРИКАТА

Кашима со пресврт се избори за четвртфинале на Светското клупско првенство

Тие во првиот натпревар на ова натпреварување денеска во Јокохама го победија Оукленд од Нов Зеланд (шампион на Океанија) со 2:1.

Натпревари од последното коло од Лига Европа

Пласман во следната фаза имаат обезбедено 13 екипи, што значи дека „слободни“ се уште 11 места.

Инфантино доби поддршка од Азија за зголемен број учесници на СП

Азиските земји ја поздравија идејата на првиот човек на Светската фудбалска федерација човекот, да се прошири Светското првенство со 48 репрезентации.

Комплетирано второто коло на Европското првенство за ракометарки

На женското Европско ракометно првенство што се одржува во Шведска комплетирано е второто коло од групната фаза.

Јовиќ: Игравме добро до 55. минута

Помошниот тренер на Металург Александар Јовиќ истакна дека македонскиот вицепрвак потфрли во последните пет минути.

НАЈЧИТАНИ