• 30 септември 2016
  • Вести денес: 5
Плусинфо14:19 23 ноември 2014 ● Прочитано 1578
Претседателот на Комисијата за економија на СДСМ, Драган Тевдовски на денешната прес-конференција потсети дека особено за земја со мал внатрешен пазар како Македонија, растот на домашните претпријатија е клучен за остварување на одржлив економски раст повисок од 6 проценти годишно.

- За жал, поради несоодветни политики, Република Македонија остварува понизок раст на извозот од соседните земји. Според UNCTAD годишната стапка на раст на извозот на Македонија во 2013 година изнесува само 6,6 проценти. Тоа е многу понизок раст на извоз во споредба со земјите од соседството како Србија (28,7 проценти) и Албанија (18,4 проценти). Постојат два главни проблеми на стратегијата на актуелната власт. Прво, новиот извоз има многу висока увозна компонента, т.е. неговата додадена вредност е мала. Второ, власта се фокусира единствено на извоз од странски компании на кои им дава огромни привилегии. А, домашните претпријатија се целосно заборавени – рече Тевдовски.

 

Тој додаде дека за СДСМ, домашните претпријатија се основата на македонската економија и дека тие треба да добијат поддршка и поттик за ширење на странските пазари.

СДСМ предлага три директни мерки за поттикнување на извозот на домашните претпријатија:

-Доделување на градежно земјите, ослободување од комуналии и увоз на потребна опрема без давачки за секое ново извозно ориентирано претпријатие коe ќе вработи најмалку 10 нови лица.Државна гаранција во висина до 30% од потребните финансиски средства за изградба на нов извозно ориентиран капацитет која ќе го олесни одобрувањето на кредит од деловна банка. Исто така покривање на трошоците за камата во првите 3 години.Брендирање на македонските производи со парична поддршка до 4 илјади евра по претпријатие. Целта е да им се помогне на домашните мали и средни претпријатија, околу креирање на адекватно лого, дизајн на пакувањата и маркетинг план за промоција или ребрендирање. Ова е потребно бидејќи многу домашни претпријатија имаат добри производи кои не се соодветно спакувани и тешко се препознаваат како бренд. Со реализација на оваа мерка македонските производи ќе станат препознатливи брендови за купувачите – рече Тевдовски.

Тој потенцираше дека СДСМ презема обврска овие мерки и решенија да ги реализира при доаѓањето на власт.

 

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




ОСТАНАТО ВО РУБРИКАТА

РЕК Битола: Граѓаните може да очекуваат спокојна грејна сезона

РЕК Битола во моментот работи со планиран капацитет согласно потребите од електрична енергија на тарифните потрошувачи.

ЕЛЕМ: Компанијата ќе има само придобивки од стручноста на Христијан Мицоски

ЕЛЕМ ова го посочува во реакција на прес-конференција на СДСМ.

Алтернатива за енергетската иднина на ЈИЕ

Националните влади треба да ги откажат сите предвидени нови јагленови/лигнитни електрани.

Земјите од ОПЕК „во принцип“ се согласија за намалување на производството

Ова е првпат, по осум години, земјте од нафтениот картел да се спогодат за едно вакво решение.

И втората најголема германска банка во криза

Втората најголема германска банка „Комерцбанк“ ја прекина исплатата на дивидендата за акционерите и укинува 9,000 работни места.

НАЈЧИТАНИ