Последна промена пред 1 минута | Недела 20 Април 2014 | 55 0

Бабини лекови против главоболка и пролив

  • Објавено: 21.10.2011 10:39
  • Прочитано: 2909
  • Печати

Кога ќе ве заболи глава или стомак, не трчајте веднаш во аптека, туку побарајте природен лек во вашата кујна, кој го користеле и вашите баби.

За подобро варење. Болките во абдоменот често се јавуваат поради воспаление на желудникот и цревата. За ублажување на овие тегоби се користи сок од боквица. Половина килограм листови од свежа боквица измијте ги темелно, ситно исечкајте ги и исцедете ги во соковник. Сокот помешајте го со мед и консумирајте го три пати на ден по една лажица. Доколку сокот од боквица, без мед, го користите како облога, ќе се ослободите и од главоболката.

Воспаление на грло. Поради вирусната настинка, претераното напрегнување на гласот или сувиот воздух, грлото станува надразнето. За да го санирате, ќе ви помогнат жалфијата и медот. Прелијте една лажица сушени и иситнети листови од жалфија со зовриена вода, поклопете ги и оставете ги да отстојат пет минути. Процедете го чајот, додадете му една лажица мед и плакнете го грлото четири пати дневно.

Пролив. Дијареата се јавува кога организмот се обидува да се ослободи од бактериите, вирусите и одредени адитиви од храната кои дошле во органите за варење. Во тие ситуации треба да го смирите стомакот и да ја обновите цревната флора. Јаболкото е одличен производ против оваа тегоба. Излупете едно јаболко, исечкајте го на парчиња и варете го на пареа додека не омекне. Јадете едно јаболко дневно.

Воспаление на бешика. Овој здравствен проблем се јавува и во лето и во зима. Воспалението го предизвикуваат бактерии, а се препознава по притисокот во бешиката, болките или печењето при мокрењето. Во овој случај, сокот од брусница е идеално решение. Секојднвно консумирајте три шочји сок од брусница чии состојки ги убиваат батериите и не дозволуваат нивно размножување. Паралелно пијте и по два литра вода, со која ќе го забрзате исфрлањето на бактериите.

Главоболка. Главоболката настанува од многу причини, а најчести се уморот, ненаспаноста, лошото држење на телото и вратот, стресот, проблеми со видот, високиот крвен притисок. За ублажување на главоболката ќе ви помогне лукот. Изрендајте неколку парчиња лук, нанесете ги на слепоочниците, а по 15 минути можете да ги измите.

 

/style/images/posledni.jpg

Последни коментари (вкупно: 0)

Прочитај ги сите коментари:

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>