28 јули 2015
Вести денес: 0
    Работната група ќе се состанува секој ден во присуство на Ван Хојт        Македонските жени и деца главно се предмет на сексуална експлоатација во барови и ноќни клубови         Обама: „Изјавите на републиканците би биле смешни да не се тажни“        Семеен ден во „Дрекселмајер“ – 10.000 задоволни насмевки        Коњаниците тргнаа на Илинденски марш (ГАЛЕРИЈА)        Границата на Србија спорна од Вардар до Триглав: прекројување на државата, мирно или насилно?!        Алсат М: ДУИ ќе прави нов универзитет во Скопје        САД ги обвинија Тајланд, Русија, Иран и Либија дека недоволно се борат против шверцот на луѓе            
Skip Navigation Links
Ковтун: Смрта на Литвиненко е несреќен случај
Објавеново 14:14 25 март 2015| Прочитано378| Печати
МИА

Дмитри Ковтун, кој е осомничен за убиството на поранешниот руски разузнавач, а потоа бегалец во Лондон и дисидент, Александар Литвиненко, во Москва изјави дека неговата смрт од пред повеќе од 8,5 години е „некој вид несреќен случај“.

Во интервју за Би-Би-СИ, Ковтун вели дека тој нема „апсолутно ништо“ со смрта на Литвиненко, а дека тоа се однесува и за второосомничениот Русин, Андреј Луговој.

- Немам никаква идеја кој го уби. Всушност, мислам дека никој не го уби Литвиненко, туку дека тоа било некој вид несреќен случај, тврди Ковтун.

Неговата изјава, со која прв пат се споменува можноста од „несреќен случај“ како причина за смрта, доаѓа по неочекуваната согласност на Ковтун да се појави како сведок во јавната истрага што се води во Лондон за убиството на Литвиненко, извршено во ноември 2006 година, кога тој стана британски државјанин.

Ковтун уверува дека не сака никого да повреди, ниту да ги компликува животите на други луѓе, освен да се тргне себе си од случајот. Тој тврди дека одлуката е негова лична, како и дека е подготвен да биде изложен на вкрстено испрашување од адвокатите или од полицијата.

Тој не крие дека на тој начин ќе му се овозоможи да дојде и до сознанија за тоа што имаат Британците за случајот, вклучувајќи ги и оние кои важат за доверливи, па тогаш ќе може и тој да прашува.

- Јас имам материјали што ќе ги поткопаат некои од доказите што се прикажуваат во истрагата, за да не обвинуваат мене и Луговој, вели Ковтун, тврдејќи дека тој е единствениот кој ги има одговорите за случајот за кои вели дека ќе „фрлат светлина“ врз многу клучни прашања и кои ќе ги сменат работите.

Литвиненко побегна од Русија во Велика Британија, каде извесно време работеше во фирмата на пребеганиот руски олигарх Борис Березовски, а потоа во британската разузнавачка агенција МИ6, како „советник“ во борбата со орагнизираниот криминал, посебно за оној од Русија и за неговата мрежа во Европа. Овој поранешен оперативец на руската тајна служба ФСБ, во Лондон стана политички дисидент и остар критичар на политиката на претседателот Владимир Путин.

Литвиненко почина во една лондонска болница само три недели по неговата средба во кафулето на еден лондонски хотел со неговите стари познаници, Андреј Луговој, некогашен оперативец на ФСБ,а сега пратеник, и Дмитри Ковтун, поранешен офицер на советската армија. Лекарите во болницата утврдија дека Литвиненко починал од труење со радиоакативниот изотоп, Полониум 210, а истрагата на Скотланд Јард заклучи дека жртвата била отруена со истурање на „смртоносна доза“ од овој изотоп во чајот што го испил Литвиненко во текот на средбата.

Британското обвинителство го обвини само Луговој и побара од руските власти тој да биде екстрадиран во Велика Британија, како осомничен за убиство. Кога Москва го одби барањето повикувајќи се на руските закони, британските медиуми ги обвинија Русија и Кремљ за „државен тероризам“ на странска територија, а случајот го означија како прв пример на „нуклеарен тероризам“.

Луговој, како и Ковтун ги отфрлуваа обвиненијата и одбиваа да бидат сослушувани од британските власти, тврдејќи дека немаат ништо заедничко со инцидентот.

Семејството на Литвиненко со години бараше од британската Влада да се согласи со организирање јавна истрага за да се откријат сите аспекти од смрта на Литвиненко, но владата во Лондон го прифати барањето на осумгодишнината од убиството, а истрагата почна во јануари годинава.

Во моментот кога таа беше веќе во завршна фаза, а адвокатите се подготвуваа за своите завршни искази, од Москва се јави Дмитри Ковтун со изјава дека сака да сведочи и дека на тој начин сака да го „исчисти“ своето име од целиот случај и од сите сомневања и обвинувања.

Јавувањето на Ковтун предизвика голема збунетост во Лондон, а судијата во истрагата Роберт Овен и адвокатите се прашуваат што се крие зад ваквото решение на Русинот. Луѓето кои ја водат истрагата се плашат дека сведочењето може да ја „урне“ целата нивна досегашна работа, а некои лондонски медиуми оценуваат дека зад ова стои „само Кремљ“; кој настојува да ја обезвредни истрагата.

Дмитри Ковтун за Би-Би-Си, пак, тврди дека се одлучил да зборува преку видео линк, откако утврдил дека многу работи во лондонската јавна истрага може да се побијат.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




Напиши коментар

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.

 

   
ОСТАНАТО ОД РУБРИКАТА
ОСТАНАТО ОД РУБРИКАТА